Il Paternoster dei liberali calabresi sotto la pressione degli ingenti tributi in Dicembre 1866 : Abate Antonio Martino

Oh Patri nostru ch'a Firenzi stati,

lodatu sia sempri lu nomi vostru,

però li mali nostri riminati,

sentiti cu pietà lu dolu nostru,

ca si cu carità vui ndi sentiti

certu non fati cchiù ciò chi faciti.

Patri Vittoriu, re d'Italia tutta,

apriti ss' occhi, ss'arricchi annettati:

lu regnu vostru è tuttu subba sutta,

e vui, patri e patruni, l'ignorati.

Li sudditi su tutti ammiseriti:

vui jiti a caccia, fumati e dormiti.

Ministri, senaturi e deputati

fannu camurra e sugnu ntisi uniti,

prefetti, cummissari e magistrati

secundu a nui lu sangu su arricchiti.

E vui patri Vittoriu non guardati:

vuij iti a caccia, fumati e dormiti.

Cummessi e cancellieri di preturi,

prubbica sicurezza e abbocati

e spreciamenti li ricivituri,

a tutti ndi spoggghiaru e su' ngrassati.

E vui patri Vittoriu li viditi_:

Sindaci, segretari e salariati

e cunsigghieri tutti e assessuri,

su latri cittadini e patentati:

su iddhji li judei ,nui lu Signuri !

E vui patri Vittoriu li viditi,

e iati a caccia fumati e dormiti.

A L'esatturi poi, lupi affamati,

uh, lampu mu li mina e mu li cogghhi,

li roli mu li strazza a mundhicati,

ca quantu furti, frodi e quantu mbrogghi !

E vui patri Vittoriu, vi scialati,

e iati a caccia dormiti e fumati.

L'agenti di li tassi su na piaga

cancerenusa subba a lu vidhicu,

sempi la pinna loru scrivi”paga”

e di li morti loru nenti dicu …..

E vui patri Vittoriu non spijati ….

Dormistivu? Mo ijati e caccjiati.!

E di li su notara chi cuntamu?

La pinna loro e lanza di langinu,

uh, poveresji nui si stipulamu:

notaru oji dinota “latru finu”

tariffa loru è sulu nu capricciu .

Patri, pacienza, ca mò vila spicciu,

posati ssu ddubbotti e rifrettiti,

jiettati chissu sicaru e sputati,

guardati chissi piaghi ca ciangiti,

e canusciti tutti l'impiegati.

Certu, si vui guardati, aviti a diri:

mannaia lu fumari e lu dormiri!

E va accorgiti ca regnati in guerra,

odiatu di lu cielu e di la terra.